Interview

今日終於去了 intervew，第一次見識到可以有 interviewer 係咁鐘意吹水。佢說話時間及我說話時間的比例大概係 4:1。好多時佢長篇大論，我其實都有意見想發表，可惜找不到一個位入。我後悔當時唔打斷佢，發表我既意見。朋友提示過我佢鐘意人 aggressive，我諗我今日俾唔到呢個印像佢，我更加懷疑究竟佢 in 完我之後，仲記唔記得有我呢個人，因為我講既說話實在太少。不過佢睇得出我係有俾心機 prepare 個 interview，因為佢講了一句：有做功課喎！佢亦都問了我一個好有趣既問題：你係 XXX 到做都應該幾嘆喎？我萬萬想不到原來外面既公司都知道我地既情況係點。但我如實答道：睇下係邊個 team 啦！我地做 development 既有幾可有得嘆，次次o的 user 都好遲先定好份需求，我地之後又要 design，又要 coding，又要 testing，個 development 既時間真係好短。

Anyway，依家都係等消息。如果唔成功，就試下申請其他公司啦，反正佢地現在又請人。但搵工暫時都未係最重要，當務之急，都係要溫書，考好個試，加大自己個本錢。